Footer

4 pay barangay, maikkan pondo manipud RA 7171

SINAIT, Ilocos Sur – Uppat pay a barangay ditoy nga ili ti maikkan iti pondo manipud iti bingay daytoy a munisipio iti RA 7171.

Maikkan iti sag-P300,000 ti Barangay Namnama, Macabiag, Ballaigi ken Rang-ay kas pondo dagitoy a barangay manipud iti RA 7171.

Immun-una a naikkan iti sag-P300,000 a pondo ti 12 laeng a barangay a puon ti panagriri dagiti kapitan dagiti saan a naikkan a barangay.

Adda alegasion a dagiti immuna a naikkan iti pondo a barangay ket dagiti nagbutos iti kandidato ti mayor para iti kina-ABC Federated President.

Ngem inkalintegan ti maysa a barangay captain nga isuda ti immuna a nagrequest iti pondo para iti barangayda isu nga isuda ti immuna a naikkan.#

Comments are closed.