Footer

Ilocos Norte, Ilocos Sur, nagginggined

LAOAG CITY – Naggingined  ditoy a siudad ken dadduma pay a lugar ti Ilocos Norte ken pakairamanan ti Ilocos Sur idi apaglabes ti alas 5 ti bigat ti Pebrero 7.

Kuna ti Philippine Institute of Volcanology and Seismology (Phivolcs) a nagpigsa iti Magnitude 5.3 ti ginggined a nagsentro iti 31 kilometro iti abagatan a daya daytoy a siudad.

Malaksid iti Pasuquin, Batac, Sarrat ken daytoy a siudad, narikna pay ti ginggined iti Intensity 3 iti sumagmamano a lugar iti Ilocos Sur kas iti Sinait, Cabugao ken Burgos ken Vigan a nagpaut iti sumagmamano a segundo.

Nupay kasta, awan ti naireport a nadadael a sanikua iti nasao a ginggined a kuna ti Pag-asa a tectonic.#

Comments are closed.