Footer

Medical mission insayangkat ti Santa Lucia Internationals

SANTA LUCIA, Ilocos Sur –  Nangisayangkat ti Santa Lucia Internationals iti medical mission a naaramid iti municipal auditorium ditoy nga ili idi Pebrero 8-10.

Libre nga agas, medical ken dental check-up, panagkugit, ken reflexology ti impaay ti gunglo para iti 500 a targetda a  maserbian a kailianda, segun ken ni Anita Festejo, medical mission coordinator.

Indauluan ni Beth Valdez, presidente ti nasao a gunglo, ti medical mission  a nakipartisiparan dagiti kameng a naggapu pay iti nadumaduma nga estado ti America ken nakitinnulongan ti gobierno munisipal nga indauluan ni Mayor Estrella Hernaez.

Na-cluster dagiti 36 a barangay tapno saan nga agdudupudop dagiti residente.

Daytoyen ti maikadua a gundaway a nangisayangkat iti medical mission ti Santa Lucia Internationals ditoy nga ili.#

Comments are closed.