Footer

Naireport a motorsiklo a natakaw, saan a nakarnap

SANTA CRUZ, Ilocos Sur – Saan a nakarnap ti motorsiklo nga immuna a naireport a napukaw.

Inlawlawag ni PCI Pedro Rafanan, Jr., OIC-COP ti Santa Cruz PNP, a nakainom iti dayta a rabii ni Efren Haban, residente iti Baluarte, Salcedo, Ilocos Sur, akinkukua iti motorsiklo, ket nakaturog iti waiting shed iti dayaen ti  Santa Lucia District Hospital.

Idi makariing ti akinkukua, awanen ti motorsiklona ket idi dina masapulan, impa-blotterna iti police station ti Santa Lucia a natakaw ti luganna.

Ti di ammo ni Haban, impan ni  Miguel Lagarme ti motorsiklo iti balay ti barangay captain ti Poblacion Weste para iti pannakaaywanna kalpasan a nalabsanna ti nakatuang a lugan nga awan met ti makitana a tao.

Kabigatanna, impan da Lagarme ken ti barangay captain ti lugan iti police station.#

Comments are closed.