Footer

P200,000 napastrek ti BFP-Candon

CANDON CITY – Aganay  P200,000 ti napastrek ti Bureau of Fire Protection iti umuna  a bulan daytoy a tawen, daytoy ti naammuan ken ni SFO3 Elpidio Galdones, deputy fire marshall ti siudad.

Nagtaud ti napastrek manipud iti binayadan dagiti negosiante a fee para iti fire clearance ken dadduma pay a dokumento a kasapulan iti panagalada iti mayor’s permit.

Kangrunaan a nakatulong ditoy ti naiwayat a Business One Stop Shop a nakipartisiparanda, segun ken ni Galdones.

Kabayatanna, impakaammo ni Galdones nga addan kabarbaro a fire truck ti BFP ti siudad, ambulansia ken dadduma pay a ramit a dakkel a katulonganda no adda rumsua nga emerhensia a kas iti uram.#