Footer

Paltog, balbala, nakumpiska iti panagsukisok dagiti polis

CAOAYAN, Ilocos Sur – May a paltog, balbala ken kapsula ti nakumpiska dagiti polis iti insayangkatda a panagsukisok iti maysa a pagtaengan iti Barangay Anonang ditoy nga ili idi Pebrero 6.

Nakumpiska iti balay ni Zaldy Butay y Quirit iti nadakamat a barangay ti maysa a cal .45 nga addaan marking nga Armscor ken SN P928795, 2 a magasin, 21 a balbala, ken 19 a kapsula ti cal .45. Awan ni Butay idi masukisok ti balayna.

Kuna dagiti kabagian ni Butay nga adda lisensia ti paltog ngem awan ti maipakitada a dokumento.

Sinaksian dagiti barangay officials ti panagsukisok dagiti polis. Addan iti kustodia dagiti polis citoy dagiti nakumpiska para iti dokumentasion ken disposision.#