Footer

2 grupo, nagrambol iti videoke bar

STA. MARIA, Ilocos Sur – Dua a grupo ti lallaki a naggiinom iti maysa a videoke bar iti tiendaan publiko ditoy idi rabii ti Pebrero 15 ti di nagkikinnaawatan a nagtungpal iti panagkakabilda.

Segun iti report manipud iti polis ditoy, naimbolbar iti rambol ti grupo ni Michael Racca y Filart, 31, naasawaan ken ni Henry dela Cruz y Racca, 24, baro, agpada a residente iti Barangay Maynganay Norte ditoy nga ili ken ti grupo ni Romeo Salvador y Bianes, 60, naasawaan; Judy Callejo y Sabado, 46, naasawaan, ken Johnny Domingo, barangay tanod, agpapada a residente iti Barangay Baliw Daya.

Mapapati a bayat ti panaggiinom dagiti dua a grupo iti Bangued Panciteria & Videoke Bar a masarakan iti abagatan a paset ti tiendaan publiko ditoy, naparnuay ti dida panagkinnaawatan ket mapapati a dinisnog da Salvador ken Callejo da Racca ken dela Cruz a puon ti bimmalesan dagitoy.

Mapapati a bimmiang ti barangay tanod ket nagsagrap iti sugat iti ulo da Salvador, Callejo, ken da Racca ken dela Cruz.

Nasarakan dagiti polis da Salvador ken Callejo iti Central Ilocos Sur District Hospital iti Narvacan, Ilocos Sur idinto nga iti Sto Nino Hospital ditoy met laeng nga ili ti nakaipanan da Racca ken dela Cruz.#