Footer

400 knapsack sprayer, naiwaras

CANDON CITY, Ilocos Sur – Tapno adda ramit nga usaren dagiti mannalon para iti pannakapaksiat dagiti sakit wenno peste dagiti mulada,  400 a knapsack sprayer ti naiwaras kadagiti amin a barangay ditoy siudad itay nabiit.

Kinuna ni Elmor Leano, agdama a city agriculturist, bayat ti interview kenkuana ti DZTP Radio Tirad Pass a nagtaud iti RA 7171 dagiti sprayers a naiwaras kadgiti 42 a barangay ditoy siudad.

Kinuna ni Leano a naipaima dagiti sprayers kadagiti kapitan ti barangay ket maipaimanto met dagitoy iti tudinganda a mangaywan tapno adda pagsisinnublatan nga usaren dagiti mannalon no agpugsitda kadagiti mulada.

Kinuna pay ni Leano nga ad-adu dagiti sprayers a naited kadagiti barangay nga ad-du dagiti mannalon. Bassit laeng ti naited iti poblacion area agsipud ta bassit ti bilang dagiti mannalon ditoy.# 

Comments are closed.