Footer

Munisipio, naikkan iti ambulansia

DEL PILAR, Ilocos Sur – Maysa nga ambulansia ti naiyawat kadagiti agtuturay ditoy nga ili idi Pebrero 15.

Mismo a da Mayor Luz Villalobos, Vice Mayor Rolando Onie ken sumagmamano a konsehal ti nangiyawid iti 4-wheel drive nga ambulansia nga inkari ni Gov. Luis “Chavit” Singson a maited iti Del Pilar, dua a bulan sakbayna.

Kinuna ni Villalobos nga iti kallabes, assiwan dagiti kailianna ti masakitda nga ipan iti sentro ti ili a pakailugananna a maitaray iti ospital.

“Nadardaras itan a maidanon iti balay pagagasan iti Candon City wenno iti La Union dagiti kailianmi a kasapulan a maikkan iti madagdagus a serbisio medikal gapu ta makadanon daytoy a klase ti lugan uray kadagiti barangay a narigat a mastrek ti gagangay a lugan,” kinuna ti mayor.#

Comments are closed.