Footer

Pamilia ti natay iti aksidente, saandan nga agdarum

STA. CATALINA, Ilocos Sur – Saanen nga idarum ti pamilia ti security guard ti polis a nakadinnungpar ti immuna idi rabii ti Pebrero 12.

Iti report manipud iti polis ditoy, nagpirma ti pamilia ni Rodolfo Verazon, 47, security guard, residente iti Barangay Pangada, Sta. Catalina, Ilocos Sur, iti affidavit of desistance ket saandan nga interesado nga agdarum pay maikontra ken ni PO3 Gilbert Rabang.

Segun iti inisial nga inbestigasion, agpalaud ti Hi-Lux patrol car a minaneho ni Rabang idi mapapati a dinungpar ti motorsiklo a minaneho ni Verano ti akinlikud a ridaw ti makannawan a paset ti patrol car.

Naitaray ni Verano iti St. James Hospital ngem natay bayat ti pannakataming dagiti sugatna iti balay-pagagasan.

Mapapati a malaksid nga awan ti headlight ti motorsiklo ken nakainom ti biktima, awan pay ti lisensiana idi mapasamak ti aksidente.#

Comments are closed.