Footer

Selpon, tinakaw nagpammarang a kustomer

VIGAN CITY – No saan a masikog, nakalibas koma daytoy a mannanakaw ket napukawan koman ti selpon ti maysa nga agtagtagilako.

Naisayangkat ti inquest proceeding iti Office of the City Prosecutor maikontra ken ni Zander Cardona Domingo (immuna a naireport nga Andrea Mendoza y Castro), 25, balasang, innem a bulan a masikog, ken residente iti Zone 2, Bangued, Abra gapu iti panangtakawna iti Nokia 1680C a selpon nga agbalor iti P2,000 iti VLNB Chocolates and Essences a masarakan iti 2nd floor ti Plaza Maestro Annex, Barangay I ditoy siudad.

Segun ken ni Michelle Fesarillo y Sorela, 29, naasawaan, saleslady, simrek ti suspek iti pagtagilakuan a nagpammarang a kustomer ket idi awan mangsipsiput kenkuana, innalana ti selpon sa dagdagus a pimmanaw.

Nagpaarayat ni Fesarillo iti guardia idi maduktalanna nga awanen ti selpon iti nakaikabilanna.

Kinamat ti guardia ti suspek ket nagam-udanna daytoy iti pagagdanan.

Narekobre ti selpon iti ikut ti suspek.#

Comments are closed.