Footer

Trike driver, nakasuan maikontra PD 1866

CANDON CITY – Napilaan ti maysa a lalaki iti complaint idi Pebrero 9 gapu iti panagikutna kadagiti bala.

Naiyendorso ti complaint maikontra ken ni Florentino Javier y dela Rosa, 44, naasawaan, tricycle driver, ken residente iti Barangay Bimmanga, Tagudin, Ilocos Sur gapu iti panaglabsingna iti PD 1866 as amended by RA 8294  iti City Prosecutor’s Office ditoy.

Idi agarup 1:30 ti malem ti Pebrero 9, inaresto dagiti polis ditoy ni Javier kalpasan a naduktalan iti compartment ti motorsiklona dagiti 20 a bala para iti cal .45 bayat ti panag-checkpointda iti national highway a sakup ti Barangay Ayudante ditoy siudad.

Nupay adda imparang ni Javier a lisensiana para iti cal .45 1911, Armscor, kinumpiska dagiti polis dagiti bala sada impan ti suspek iti police station para iti dokumentasion ken disposision.#