Footer

Chinese investors, binisitada lugar a pangibautanda puonan

VIGAN CITY – Sinangaili ti gobierno probinsial  ti grupo dagiti Chinese a negosiante nga agpanggep nga agnegosio ditoy Ilocos Sur idi Pebrero 22.

Impasiar da Vice Gov. Deogracias Victor Savellano dagiti kameng ti Northern Heavy Industries ti Shenyang, Liaoning, China a pakaibilangan da Li Kewei, Gai Yunyi ken Qu Gi iti nadumaduma a paset ti probinsia tapno aktual a kitaenda dagiti lugar a mabalinda a pangibautan iti puonan kas iti igid ti baybay ti San Vicente ken Salomague Port iti Cabugao.

Iti presentasion dagiti Tsino,  umabot iti $2.6 billion ti sanikua ti kompaniada ken addaan iti 10,800 nga empleado ket karaman kadagiti parpartuatenna dagiti building material equipment, power equipment, particle board equipment, mining equipment, coal machineries, bulk material handling, environmental protection equipment, forging equipment, construction machineries ken dadduma pay.# 

Comments are closed.