Footer

Medical mission, naangay iti Baluarte

VIGAN CITY – Nasurok 500 a residente ti nabenepisiaran iti naisayangkat a medical mission iti Baluarte ditoy siudad idi Pebrero 20.

Naisayangkat ti medical mission babaen ti Young Achievers and Professionals into Service (YAPIS) ken iti pannakitinnulong ti Ilocos Sur Medical Society, provincial government ti Ilocos Sur, opisina ni Vice Mayor Ryan Singson ken ti Baluatre Massage Center.

Naipaay kadagiti recipients ti libre a konsultasion, dental ken libre nga agas ken bitamina iti agmalmalem a medical mission nga indauluan ni Patricia Savellano Singson,  presidente ti YAPIS.#