Footer

Naghold-ap iti truck, nakasuan

VIGAN CITY – Napilaan iti kaso ti kangrunaan a suspek iti pannakahold-ap ti maysa a truck iti Barangay Poblacion, Sugpon, Ilocos Sur idi rabii ti Enero 26, 2011.

Napilaan iti kaso a robbery with homicide iti provincial prosecutor’s office ni Virgilio Bangsoy, residente iti Barangay Poblacion, Sugpon ken tallo a John Does mainaig iti pannakahold-ap ti maysa nga Isuzu Forward truck ken pannakapaltog ni Levisteng Sakiwad y Maday-a, 40, naasawaan, residente iti Barangay Rissing, Bangar, La Union.

Maipalagip a nahold-ap ti truck a minaneho ni Sakiwad ket intaray dagiti suspek ti agdagup iti P138,400 a pagbayad koma ni Graal Dapalog y Tudiem, 40, naasawaan, residente iti Barangay Poblacion, a pagbayad iti ube nga inlako ti Ube Growers Association.

Natay ni Sakiwad kalpasan a pinaltogan dagiti suspek bayat ti hold-ap.#

Comments are closed.