Footer

Napintas ti rubbuat a presio ti tabako iti panaglukat ti trading season

CANDON CITY – Napintas ti rubbuat ti presio ti tabako iti panaglukat ti trading season, segun iti manager ti National Tobacco Administration ditoy siudad.

Kinuna ni Estrella de Peralta, NTA manager, Candon Branch, a di nababbaba ngem P40 ti presio ti reject a tabako ket namnamaenna a nangatngato ngem iti floor price ti presio dagiti dadduma pay a grado ti tabako.

“Naangay ti dialogo iti nagbaetan dagiti buyer, traders, field representatives (cowboy)  ken dagiti mannalon tapno masigurado nga awan ti magatang a tabako iti nababbaba ngem iti floor price,” kinuna ni de Peralta.

Dagiti sumaganad dagiti naituding a floor price ti tabako: AA, P66.00; A, P64; B, P62; C, P60; D, P55; E, P54; F1, P54; F2, P47 ken R (reject) P28.#