Footer

Pajero, motorsiklo nagdinnungpar, 1 natay

CANDON CITY -Nagdinnungpar idi rabii ti Pebrero 22 ti maysa a kotse ken motorsiklo iti national highway a sakup daytoy a  siudad a nakatayan ti motorista.

Naammuan iti report manipud iti polis ditoy a naideklara a natayen ni Pedro Ramos, Jr. y Valentino, 61, naasawaan ken residente iti Barangay Bagani Ubbog ditoy siudad idi maidanon iti St. Martin de Porres Hospital.

Segun iti inisial nga inbestigasion, agpaamianan ti Pajero a minaneho ni Jaime Sebastian y Sotor, 47, baro, residente iti 10 Plaridel Street, Vigan City ken nakiluganan ni Crisanto Bagay y Salvador, 50, naasawaan, residente met laeng iti Vigan City, idi mapapati a kimmaut iti liniana ti motorsiklo a mineho ni Ramos.

Mapapati a liniklikan ni Sebastian ti motorsiklo ngem nagdinnungparda latta a nakasugatan ken nakatayan ni Ramos iti ospital.

Boluntario a simmuko ni Sebastian iti police station ditoy siudad.#

Comments are closed.