Footer

Polis-Baguio naikkan 6 big bikes

BAGUIO CITY – Innem a baro a motorsiklo ti inyawat ni Dip. Bernardo M. Vergara iti Baguio City Police Office para iti kampania maikontra iti krimen ken pannakatagiben ti urnos ken talna iti siudad.

Nagtaud ti pondo iti pannakagatang dagiti baro a 500 cc. a motorsiklo manipud iti Priority Development Assistance fund (PDAF) ti diputado.

Maaramat dagiti sasakyan nga agpateg iti P3 milion  para iti panagpatrolia dagiti polis, kngrunaan iti aglawlaw ti business district ken dagiti 128 a barangay ti siudad.

Kabayatanna, rinibribu a turista ti simmang-at ditoy siudad tapno imatanganda ti Panagbenga Festival a narambakan iti bulan ti Pebrero.#

Comments are closed.