Footer

Agsalungasing iti ordinansa, community service ti dusana

CABUGAO, Ilocos Sur – Saan a multa ti dusa dagiti agsalungasing iti ordinansa kas linteg-trapiko ditoy nga ili, no di ket community service, segun iti mayor ditoy.

Kinuna ni Mayor Edgar “Edi Boi” Cobangbang  nga iduronna ti panangipasa ti sangguniang bayan iti maysa nga ordinansa a mangipakat iti pannusa a community service, kadagiti aglabsing iti linteg-trapiko ditoy nga ili.

Innayon ti mayor a daytoy ti ad-adda nga iduronna agsipud iti kapaliiwanna nga adu a kailianna ti natured nga aglabsing iti ordinansa kas iti trapiko, agsipud ta bayadanda lattan ti multada.

Kinuna ti mayor a saan nga interesado iti panagmulta dagiti aglabsing kadagiti ordinansa ti ili no di madusada babaen ti panangipaayda iti community service.#