Footer

Mannipdut, nakasuan

STO. DOMINGO, Ilocos Sur – Nasaklangan iti kaso a panagtakaw iti provincial prosecutor’s office iti Vigan City ti maysa a babai a natiliwan a nagsipdut iti tiendaan ditoy nga ili idi Pebrero 24.

Segun iti polis ditoy, kaso a panagtakaw ti naipila maikontra ken ni Erna Marana y Laddaran, 42, naasawaan, ken residente iti Barangay Pug-os, Sinait, Ilocos Sur mainaig iti panangsipdutna iti kuarta ni Choilene Tacardon y Taddo, 40, naasawaan, residente iti Barangay Camestisoan, ditoy met laeng nga ili.

Iti panagimbestiga dagiti polis, adda ni Tacardon iti Gonzalo Grocery Store a masarakan iti uneg ti tiendaan publiko ditoy idi naduktalanna a nakalukat ti bagna.

Nagsuspetsa ni Tacardon iti babai nga adda iti likudann a dagdagus a rimmuar iti grocery store ket sinurotna sana rinikisa daytoy ket narekobrena ti kuartana nga agdagup iti P3,900 iti ikut ti suspek.#

Comments are closed.