Footer

Service on the Go”, isayangkat ti PRC Baguio Regional Office iti Vigan City, Cabanatuan City

VIGAN CITY –  Kas paset ti panangidanonna ti serbisiona kadagiti umili, isayangkat ti Professional Regulation Commission Baguio Regional Office ti “Service on the Go” program iti University of Northern Philippines, Vigan City, Ilocos Sur inton Marso 12, 2011 manipud iti alas 9:30 A.M. agingga iti 4:00 P.M. ken iti Good Samaritan College, Cabanatuan City, Nueva Ecija inton Marso 19, 2011 manipud iti alas 9:00 A.M. agingga iti 4:00 P.M.

Dagiti sumaganad dagiti serbisio nga ipaay ti PRC:

-Agproseso iti pannakapabaro ti ID/Lisensia;

-Agproseso iti inisial a pannakairehistro dagiti kabarbaro a nakapasa a nurses;

-Agproseso iti aplikasion para kadagiti eksaminasion kangrunaan iti July Nurses Licensure Examination;

-Aggawat iti kiddaw para Certifications of Good Standing, Passing and Board Ratings; ken

-Agruk-at iti unclaimed ID/License.

Sakbayna, naiserbi ti nasao a programa iti  PNA Office, Philippine Medical Society Building, AB Fernandez Avenue, Dagupan City, Pangasinan idi Marso 4; iti The Event Center, SM City, Rosales, Pangasinan idi Marso 5, 2011; ken iti Lorma Colleges Gym, City of San Fernando, La Union idi Marso 5.#