Footer

Paggasolinaan, napaserra

BANTAY, Ilocos Sur –  Pinaserraan ti Bureau of Internal Revenue itay Marso 3 ti Petron Bantay Service Station gapu iti mapapati a di panangideklara ti akinkukua iti husto a buis ti naglakuan daytoy.

Kinuna ni District 2 Revenue Officer Imelda Bueno nga impakatda ti closure order kalpasan ti sangapulo nga aldaw a surveillance iti paggasolinaan  ken iti agtultuloy a saan a panangitaltalek ti taxpayer ti compliance notice nga inyisio ti opisinada.

Innayon ni Bueno nga agtalinaed a nakaserra ti nasao a paggasolinaan agingga iti saan a mabayadan ti deficiency tax daytoy agraman ti surcharge ken penalties.

Nupay kasta, nagkedked ti BIR officer a mangipalgak ti buis a rumbeng koma a bayadan ti nasao a gasolinaan.#

Comments are closed.