Footer

Utang ti ili, naikiddaw a maipababa ti interesna

CABUGAO, Ilocos Sur – Kiniddaw ni Mayor Edgardo Cobangbang a mangipasa ti sangguniang bayan iti resolusion a mangkiddaw a maipababa ti interes rate ti utang ti gobierno munisipal ditoy iti maysa a bangko.

Indagadag ni Cobangbang a maipababa ti interest rate ti utang ti gobierno munisipal iti Land Bank of the Philippines manipud iti 10% per annum iti 6.5% per annum.

Immutang ti napalabas nga administrasion iti P35 milion ken P18 milion iti nasao a bangko a naipundo iti pannakapasayaat ti Cabugao Waterworks.

Bayadan ti munisipio ti utangna iti LBP iti 15 a tawen a mapaliiw a dakkel a pakaapektaran ti serbisio ti munisipio kadagiti umili ditoy.#

Comments are closed.