Footer

Region I Athletic Meet, naangay

LINGAYEN -Agdagup iti aganay 5,000 nga atleta, coaches ken trainers ken school officials ti nakipartisipar iti Region I Athletic Association (R1-AA) Meet a naangay ditoy idi Marso 14-19.

Ti gobierno ti Pangasinan ken ti Pangasinan Division II ti  nagsangaili iti daytoy a pasalip a nakipartisiparan dagiti nadumaduma a delegasion manipud kadagiti school divisions a pakairamanan ti  Alaminos City, Batac City, Candon City, Dagupan City, Ilocos Norte, Ilocos Sur, Laoag City, La Union, Pangasinan 1, Pangasinan II, San Carlos City, San Fernando City, Urdaneta City, ken Vigan City.

Karaman kadagiti napagsasalipan ti archery, arnis, athletics, badminton, basketball, baseball, chess, football, lawn tennis, gymnastics, softball, table tennis, taekwondo, volleyball, sipa/sepak takraw ken swimming.

Iti pannakaisurat daytoy, madama pay ti pasalip ngem manamnama ti panagkampeon manen ti Ilocos Norte.#