Footer

Pangasinan II, kampeon iti R1-AA

LINGAYEN, Pangasinan – Saan nga intulok ti Pangasinan II Schools Division nga iyawid manen ti Ilocos Norte Schools Division ti kampeonato iti kalkalpas a Region I Athletic Association (R1-AA) a naangay ditoy ita nabiit.

Nakagun-od ti Pangasinan II iti 505.5 a puntos iti panangagawna iti kampeonato manipud iti Ilocos Norte a nakagun-od laeng iti 490.5 a puntos.

Ti Ilocos Norte ti nagtalinaed a kampeon ti nasao a paay-ayam manipud pay idi tawen 2000.

Inyalat met ti Pangasinan I ti maikatlo a puesto babaen ti 476 a puntos.

Dagiti sumaganad ti over-all ranking ken puntos dagiti nakisalip iti R1-AA:

1. Pangasinan II – 505.5

2. Ilocos Norte – 490.5

3. Pangasinan I – 476

4. La Union – 308.75

5. Laoag City – 195.25

6. Alaminos City – 130.25

7. Dagupan City – 121.5

8. San Carlos City – 102.75

9. Urdaneta City – 99

10. San Fernando City – 91

11. Ilocos Sur – 82

12. Candon City – 70

13. Batac City – 62.5

14. Vigan City – 45 points

Kabayatanna, saanen a maawagan ti paay-ayam iti Ilocos Region Athletic Association no di Region 1 Athletic Association kas inkiddaw ni Pangasinan Governor Amado Espino, Jr.

Kangrunaan a rason ni Espino a no madakamat ti Ilocos Region, ti laeng Ilocos Norte ken Ilocos Sur ti pakaiyaplikaranna ket saanen a karaman ti La Union ken Pangasinan.

Dagus a pinatgan ni DepEd Undersecretary for Legal Affairs Alberto Muyot, naisangayan a sangaili iti panaglukat ti paay-ayam, ti kiddaw ni Espino.

Ti Pangasinan II ti nagsangaili iti R1-AA ita a tawen.#

Comments are closed.