Footer

Entrance fee, masingir iti beach resort

SAN ILDEFONSO, Ilocos Sur – Tapno adda pondo a maaramat iti pannakamantener ti Riverside Beach Resort a masarakan iti Barangay Busiing ditoy nga ili, maputar ti maysa nga ordinansa a mangituding iti panagbayad dagiti sumrek ditoy iti entrance fee.

Kinuna ni Vice Mayor Salvador Romano a napanunotda ti mangputar iti ordinansa  para iti pannakamentener ti kinadalus ti nasao a beach resort ken tapno adda pamastrekan ti ili.

Adu metten dagiti sumrek iti nasao a beach resort gapu ta napintas a pagpipiknikan.

Ti provincial government ti nangaramid ti nasao a beach resort ngem impaimadan iti gobierno munisipal ditoy ti pannakamentenerna.#

Comments are closed.