Footer

Estudiante, nagbekkel

STA. CRUZ, Ilocos Sur – Gapu iti mapapati a saanna a panagturpos iti pagadalanda, nagbekkel ti maysa nga estudiante a residente iti Barangay Bugbuga ditoy nga ili.

Nasarakan ti maysa a mannalon bayat ti panangayona iti kabakiran iti alas 8:00 ti bigat ti Marso 28 ni Dennis Dultra, 15, agbasbasa iti sekundaria ken residente iti nadakamat a barangay a nakabitin iti maysa a kayo.

Segun iti inisial a panagimbestiga dagiti polis, idi malem ti Marso 25, napan impakaammo ti maestra ni Dultra iti ina daytoy a saan a makagraduar ti anakna gapu iti mapapati a panagtakawna iti maysa a delata iti maysa a tienda iti asideg ti eskuela.

Mapapati a pinadas ti biktima a bayadan ti delata ngem saan nga inawat ti akinkukua ket nagpulong daytoy iti prinsipal mainaig iti insidente.

Mapapati a ti napasamak ti nangiduron ken ni Dultra a nangibitin iti bagina iti kayo.# 

Comments are closed.