Footer

BFAR advisory: awanen ti red tide iti Anda, Bolinao

SAN FERNANDO CITY – Awanen ti red tide toxins dagiti shell fish iti dua nga ili iti Pangasinan nga immun-unan a naireport a positibo iti daytoy.

Impakaammo ni Bureau of Fishery andAquatic Resources (BFAR) Regional Director Nestor Domenden a mabalinen a masida dagiti shellfish nga aggapu iti Anda ken Bolinao agsipud ta negatibodan iti red tide toxin.

Sakbayna, naisayangkatan iti panangamiris iti laboratorio dagiti shellfish a pakairamanan ti tahong iti nadakamat a dua nga ili iti nagsasaruno a tallo a lawas ket napatalgedan nga awanen ti red tide toxin dagitoy.

Makarikna dagiti makasida kadagiti shellfish nga addaan iti red tide toxins iti panagbibineg iti bibig ken ngiwatda, sa iti ramay, ima ken dapanda, ken agpakarigat nga umanges nga agtungpal iti pannakaparalisa ken ipapatay.#

Comments are closed.