Footer

Fiesta ti Bantay, nakasaganan

CANDON CITY – Agarup  150,000 a seedlings ti maisagsagana a maimula bayat ti panakarambak ti Piesta ti Bantay inton Hunio 29, segun ken ni Bokal Robert Tudayan.

Kinuna ni Tudayan a maipanto dagiti seedlings iti planting site, maysa a lawas sakbay ti parambak tapno addan nakasagana a maimula iti bantay, kangrunaan iti watershed area a masarakan iti Barangay Palacapac ken San Andres ditoy siudad.

Makipartisipar iti parambak dagiti nadumaduma nga organisasion, ahensia ti gobierno, pagadalan ken dadduma pay a grupo para iti pannakataginayon iti aglawlaw ken pannakabalanse iti nakaparsuaan.#

Comments are closed.