Footer

Irigasion ti danum, naikiddaw

MAGSINGAL, Ilocos Sur – Kiniddaw dagiti agmulmula iti tabako ditoy nga ili ti pannakaipasdek ti irigasion tapno adda pangawidanda iti pagsibogda iti mulada a tabako.

Segun iti dadaulo dagiti mannalon ditoy a ni George Tolentino,  problemada ti danum a pagsibugda iti mulada a tabako ket nangaramidda iti resolusion a naiturong ken ni National Tobacco Administration head Edgardo Zaragoza para iti pannakaited ti makina ken pannakaipasdek ti irigasion iti Barangay Patong ken Sarsaracat a yan ti ubbog a  pangawidanda iti danum.

Imbilinen ni Zaragoza  kadagiti personnel ti NTA ti panangkitada  no kasano a  maipasdek ti irigasion para kadagiti nadakamat a barangay.#

Comments are closed.