Footer

100 sako ti organic fertilizer, naiwaras tunggal barangay

CANDON CITY – Nawarasan amin a barangay ditoy siudad iti sag-100 a sako nga organiko a ganagan kas paset ti programa ti gobierno ti siudad a mangpasayaat ti kalidad ti daga a suksukayen dagiti mannalon.

Kinuna ni City Agriculturist Elmor Leaño a naited dagiti organiko a ganagan kadagiti barangay officials ket isudan ti nangiwaras kadagitoy kadagiti kalugaranda a mannalon.

Saan laeng a dagiti gimmatang iti hybrid ken inbred rice no di pay dagiti dadduma a mannalon ti naikkan iti organiko a ganagan tapno sapasap a mapapintas ti kalidad ti daga kadagiti kataltalonan ti siudad, segun ken ni Leaño.

Agdagup amin a 42 a barangay ti mangbukbukel iti siudad ti Candon.#