Footer

Balay, sinukisok dagiti polis

STO. DOMINGO, Ilocos Sur – Insayangkat ti nagtipon nga elemento ti PAIDSOTG ken polis ditoy ti panagsukisok iti balay ni Ronald Aporongao y Aurellado, 30, naasawaan, ken residente iti Barangay Cabaritan ditoy nga ili di agarup 7:30 ti rabii ti Mayo 22.

Imet dagiti nagsukisok ti search warrant nga inyisio ni Judge Francisco Ante, Jr. ti MTCC, Vigan City.

Nakasamsam dagiti nagsukisok iti dua babassit a heat-sealed plastic sachet a naglaon iti mapapati a shabu nga agdagsen iti sumurok-kumurang .5 gramo; 4 a nadumaduma ti kolorna a disposable lighters; maysa nga improvised tooter; 2  a crumpled aluminum foil:  assorted used plastic sachet; getteng; ball pen; lata ti butane; ken My/Phone cellphone a nangisit.

Naipan ti suspek ken dagiti nakumpiska iti balayna iti police station ditoy para iti inbestigasion ken disposision.#

Comments are closed.