Footer

PRC Service on the Go, insayangkat ti Baguio Regional Office

BANGUED, Abra – Insayangkat ti Baguio Regional Office itay Mayo 26 ken 27 ti Service on the Go ditoy nga ili kas paset ti programa ti Philippine Regulation Commission nga ad-adda pay a maiyasideg  daytoy nga ahensia kadagiti propesional.

Naiwayat ti Service on the Go  iti municipal hall ditoy nga ili manipud 2:00 p.m. agingga iti 5:00 p.m. idi Mayo 26 ken 8:00 a.m. – 12:00 noon idi Mayo 27.

Karaman kadagiti serbisio a naipaay ti pannakaproseso ti napabaro nga ID/lisensia; pannakaproseso ti inisial a rehistrasion dagiti kabarbaro a nakapasa nga examinees;  pannakaproseso ti aplikasion para kadagiti eksamen nangruna ti September 2011 Licensure Examination for Teachers; pannakayisio dagiti  Certifications of Good Standing, Passing ken Board Ratings; ken pannakaruk-at dagiti unclaimed ID/License.

Maangayto pay ti Service on the Go program iti provincial capitol ti Lagawe, Ifugao inton Hunio 16.#

Comments are closed.