Footer

Operation Kugit, naisayangkat

CANDON CITY –  Agdagup iti 200 nga ubbing a lalaki ti libre a nakugit babaen ti programa ti DZTP Radio Tirad Pass a Radio Mediko iti San Nicolas Candon City.

Ni Konsehal Dr. Osias Diason, akinprograma ti Radio Mediko,  ti nangkugit kadagiti pasiente babaen ti panangkadua kenkuana dagiti kameng ti city health office ditoy siudad.

Naisayangkat ti kaadduan a panagkugit idi aldaw ti Mayo 25 ken 26, idinto kadagiti napalabas a lawas ket naisayangkat iti tunggal Biernes.

Malaksid iti Candon City, nagbalin pay a benepisario daytoy a programa dagiti ubbing nga agindeg iti  maikadua a distrito ti Ilocos Sur.

Comments are closed.