Footer

PRC Baguio Regional Office agaw-awaten aplikasion para Teachers Examination

BAGUIO CITY – Agaw-awaten ti Professional Regulation Commission Baguio Regional Office kadagiti aplikasion para iti Septiembre 25, 2011 Licensure Examinatioin for Teachers (LET) nga agpatingga ti deadline inton Hulio 15, 2011.

Dagiti sumaganad dagiti requirements para kadagiti agdadamo nga aplikante: orihinal ken photocopy ti transcript of records nga addaan scanned picture ken remarks, “For Board Examination Purposes”; orihinal ken photocopy ti birth certificate nga inyisio ti NSO iti security paper; orihinal ken photocopy ti marriage certificate nga inyisio ti NSO iti security paper; 4 a passport-size colored picture a puraw ti background ken kumpleto ti nametag; maysa a 1 x 1 colored picture a puraw ti background ken kumpleto ti nametag; 2011 community tax certificate; maysa a window envelope nga addaan postage stamps nga agpateg iti P9.00; ken examination fee a P900.

Kadagiti repeaters, kasapulan ti report of ratings, notice of admission, wenno official receipt ti napalabas a LET.

Personal nga agaplikar dagiti aplikante.#

Comments are closed.