Footer

Suspek a nangpatay iti mannalon, nabigbig

SAN ILDEFONSO, Ilocos Sur – Nabigbigen ti maatap a nangpaltog iti maysa a mannalon iti Barangay Sagneb, San Ildefonso, Ilocos Sur idi  agarup alas 8:30 ti rabii ti Mayo 29.

Boluntario a simmuko iti polis ni Isagani Crispin y Cadoy, 27, baro, residente met laeng iti nadakamat a barangay ket naipilan ti kaso a murder maikontra kenkuana gapu iti pannakapapatay ni Antonio Aldesa Jr., y Bragas, 31, baro, mannalon, ken residente iti nadakamat a barangay.

Naduktalan ti pammapatay idi nasangpetan ni Rafael Aldesa y Bragas ti kabsatna a nadigos iti dara.

Nakarekobre dagiti nagresponde a polis iti maysa a buli a mapapati a naggapu iti cal. 45 iti crime scene ngem awan nakitada a paltog.

Kabayatanna, maysa a agtagibalay ti napaltogan iti Barangay Bato, Cabugao idi agarup alas 7:30 ti bigat ti Mayo 31.

Naitaray ni Jemma Purisima y Serrano, 31, naasawaan, residente iti Barangay Bato iti Pira Clinic Hospital ditoy nga ili sa naiyalis iti Gabriela Silang General Hospital gapu iti sinagrapna a sugat iti bukotna a mapapati a nagtaud iti shot gun kas maibatay kadagiti 3 a deformed pellets a nasarakan iti nakapasamakan ti pammaltog.

Limtuad iti inbestigasion nga agpakpakan ti bikitma iti manokda idi paltogan ti di pay nabigbig a tao.

Agtultuloy ti panagimbestiga dagiti polis mainaig iti nasao a pammaltog.#

Comments are closed.