Footer

12 botika ti barangay, nanayonan pondoda

CANDON CITY – Sangapulo ket dua a barangay ditoy siudad nga addaan Botika ng Barangay ti nanayonan ti pondoda a paggatang iti agas a mailako iti botikada, daytoy ti naammuan ken ni May Belardo, mangibagi iti Department of Health a mangsaksakup iti Galimuyod, Sta. Lucia ken daytoy siudad.

Kinuna ni Belardo nga aganay P25,000 ti nainayon a pondo dagiti nadakamat a 12 a botika ti barangay para iti ilakoda nga agas.

Kinuna ni Belardo a dakkel a tulong ti kanayonan a pondo para iti Botika ng Barangay agsipud ta ad-adu dagiti mailakoda nga agas.

Ti Candon City ti kaunaan kadagiti local government unit a nakaipasdek iti Botika ng Barangay, segun ken ni Belarde. (Danny Antalan)