Footer

Ambulansia a naited iti Ilocos Sur, kumpleto ti papelesda – DV

VIGAN CITY – Kinuna ni Vice Governor Deogracias Victor Savellano a legal ken kumpleto iti papeles dagiti ambulansia a naited iti probinsia ti Ilocos Sur babaen ti Philippine Charity Sweepstakes Office (PCSO).

Iti interbiona iti Bombo Radyo Vigan, kinuna ni Savellano a 44 ti kiniddawna nga ambulansia manipud iti nasao nga opisina ngem 21 laeng ti napatgan.

Napaadda dagiti nasao nga ambulansia babaen ti iskema a 40% ti ibaklay ti provincial government ken 60% ti counterpart ti PCSO.

Kinuna ni Savellano a dakkel a katulongan dagiti ambulansia iti pannakaited iti serbisio ti salun-at kadagiti agindeg iti probinsia.

Napaadda dagiti nadakamat nga ambulansia idi ni Savellano ti gobernador ti probinsia.#