Footer

Babai, tinagbat ti asawana

SINAIT, Ilocos Sur – Kuarta ti puon ti nangtagbatan ni mister ken ni misis idi malem ti Hulio 10 iti Barangay Aguing ditoy nga ili.

Naipaagas iti ospital ni Angelyn Lived y Ballatan, 34, naasawaan, ken residente iti Barangay Aguing ditoy nga ili gapu kadagiti sugatna iti kannigid ken kannawan a takiagna gapuanan ti panangtagbat kenkuana ti asawana a ni Christopher Lived y Arellano, 33.

Naammuan iti inbestigasion dagiti polis  a nakainom ti suspek ket nagririda nga agassawa mainaig iti kuarta a nagtungpal iti panangtagbat ti lalaki ti baketna.

Saan a nabirokan dagiti polis ti buneng ti suspek a naglibas kalpasan ti panangtagbatna ken ni baketna.#

Comments are closed.