Footer

Babai a sumangsango iti kaso nga estafa, natiliw

STO. DOMINGO, Ilocos Sur – Tiniliw dagiti polis ditoy ti maysa a babai a sumangsango iti kaso nga illegal recruitment ken estafa iti Barangay Pussuac ditoy nga ili idi agsapa ti Hulio 16.

Inaresto dagiti polis ni Nora Valdez y Molina, 49, naasawaan, residente iti Barangay Pussuac, ditoy nga ili, babaen ti bileg ti warrant of arrest nga inyisio ni Judge Dinnah C. Aguila-Topacio, ti RTC National Capital Region, Branch 42 gapu iti illegal a panagrekrut ken estafa.

Iti pannakaisurat daytoy, addan iti kustodia ti polis ditoy nga ili ni Valdez ket nairekomenda nga agpiansa iti P136,000.#