Footer

Droga nasamsam iti nasukisok a balay

SANTIAGO, Ilocos Sur – Maysa a plastic ice bag a naglaon iti mapapati a bulong ti marihuana ti nasukainan dagiti polis bayat ti panangisayangkatda iti search operation iti maysa a balay iti barangay Olo-Olo ditoy nga ili idi aldaw ti Hulio 18.

Sinukisok dagiti polis ti balay ni Lowell Cuaresma y Joaquin, 37, baro, ken residente iti Barangay Olo-Olo babaen ti bileg ti search warrant nga inyisio ni Judge Sixto Diompoc ti RTC Branch 72, Narvacan, Ilocos Sur ket nakakumpiskada iti maysa a plastic ice bag a naglaon iti bulong ti marihuana nga agdagsen iti 21 grams ken mapapati nga agpateg iti P605.00.

Sinaksian dagiti barangay officials ken kameng ti media ti panagsukisok.#

 

Comments are closed.