Footer

Empleado, nagudas iti pammaltog

NARVACAN, Ilocos Sur – Dagus a natay ti maysa a lalaki idi napaltogan bayat ti maysa a drinking session iti Barangay Margaay ditoy nga ili idi rabii ti Hulio 14.

Nagdadaraddan a pinalikudan  a pinaltogan  ti di pay nabigbig a tao ni Wilfredo Galtin y Magtaan, 45, naasawaan, empleado ti Alja Marketing ken residente iti Barangay
Cacandungan, Bautista, Pangasinan bayat ti panaginomda kadagiti di nainaganan a kakaduana iti balay ti maysa a Garry Cabaca y Reputola iti nadakamat a barangay a puon ti nakatayanna a sigida.

Naglibas ti pimmaltog a naglugan iti motorsiklo, kuyogna ti inaramatna a paltog.

Nakarekobre dagiti polis iti innem a kapsula ken maysa a buli manipud iti cal. 9 mm.

Di pay ammo ti motibo ti krimen.#

Comments are closed.