Footer

Irrigation dam, matarimaan

STA. MARIA, Ilocos Sur – Naisayangkat ti maysa a dialogo iti nagbaetan ti mayor ditoy nga ili ken dagiti opisial ken kameng ti maysa a gunglo para iti pannakatarimaan ti nadadael a penned ti irigasion a pakaseknan ti tallo a barangay ditoy nga ili.

Naiwayat ti nasao a dialogo iti nagbaetan dagiti opisial ken kameng ti Burayok Irrigation Association ti Barangay Gusing, Baballasioan ken Penned babaen ti initiatibo ni Lorico Dacquel, presidente ti gunglo, ken ni Mayor Edgar Florendo ken sinaksian da Police Senior Supt. Reynante G. Partible, OIC provincial director; PSI Federico D. Calibuso, hepe ti polis ti Sta. Maria; ken dagiti sumagmamano a kameng ti media.

Kangrunaan a napagpapatangan iti dialogo dagiti alternatibo a maaramid para iti pannakasolbar ti problema ti padanum a pinataud iti pannakadadael ti penned ken iti madagdagus a restorasionna.#

Comments are closed.