Footer

Lalaki, naaresto gapu iti panagpaputokna

BANTAY, Ilocos Sur – Inaresto dagiti polis ditoy ni Cloyd Ramos y Belmonte, 40, naasawaan, awanan panggedan, taga-Aggay, Bantay, Ilocos Sur ngem agnaeden iti Barangay Carusipan, Cabugao, Ilocos Sur gapu iti panagpaputokna bayat ti panaggiinomda iti sardam ti Hulio 15 iti Zone 5 ditoy nga ili.

Naammuan iti inisial nga inbestigasion a bayat ti panaggiinom ti suspek ken dua a di nainaganan a kakaduana iti Marjos Store nga asideg iti Petron Gasoline Station idi kellaat a nagpaputok ti suspek.

Nakarekobre dagiti nagresponde a polis iti dua a kapsula ken maysa bala para iti cal. 22 iti lugar a nagpaputokan ti suspek idinto a nasarakanda ti paltog a mapapati nga impalladaw ti suspek iti nakaparking a Hyundai dump truck.#

Comments are closed.