Footer

Panagaramat iti paputok kadagiti pasken, maiparit

SAN ESTEBAN, Ilocos Sur – Inaprobaran itay nabiit ti sangguniang bayan ditoy nga ili ti maysa nga ordinansa a mangiparit iti panagaramat kadagiti paputok kas iti firecrackers ken luses iti piesta ken parambak ditoy ili.

Naidatag daytoy nga ordinansa iti sangguniang bayan kalpasan ti maysa nga insidente a gapu iti paputok a nasindian bayat ti koronasion idi piesta daytoy nga ili idi Disiembre, nakibor ti pasken ken nakasugatan ti maysa a konsehal ken dadduma a balikbayan ken sangaili.

Nakaugalianen tunggal koronasion wenno parambak ti panangsindi  dagiti firecrackers ken pannakaipatayab dagiti luses.

Napaliiw a kalpasan ti insidente ti paputok idi Disiembre, confetti laengen ti maaramat bayat ti koronasion.#

Comments are closed.