Footer

Lalaki a nagikut iti paltog, naaresto

CANDON CITY – Agsakit la ketdi ti ulo daytoy a lalaki gapu ta kinasuan dagiti polis kalpasan a  nasukalanda nga adda imetna a paltogna iti uneg ti maysa a videoke bar iti Barangay Paras, ditoy siudad, idi rabii ti Hulio 21.

Naiyendorson iti opisina ti city prosecutor iti Candon City ti kaso a panagsalungasing iti RA 8294 maikontra ken ni Judy Galutan y Arezala, 33, naasawaan, ken residente iti Barangay Patac, Galimuyod, Ilocos Sur.

Nasukainan iti ikut ni Galutan ti cal .45 Armscor nga addaan iti maysa a magasin a nagkarga iti lima a bala bayat ti Oplan Bakal/Kapkap iti nadakamat a videoke bar nga insayangkat dagiti polis nga indauluan ni Police Inspector Darwin Zafra, Junior PCO ken babaen ti superbision ni Police Supt. Marlo A. Castillo.

Mapapati nga adda impakita ni Galutan a license card ngem awan ti naipakitana a permit to carry firearms iti ruar ti residensiana.#

Comments are closed.