Footer

Nabongbongan nga ikan, kinumpiska dagiti polis

SAN FERNANDO CITY – Nasurok dua tonelada a nabongbongan nga ikan a kinarga ti maysa a lugan ti kinumpiska dagiti polis iti tsekpoint nga impasdekda iti Barangay Pagdalagan ditoy siudad idi malem ti Hulio 27 .

Segun iti report manipud iti Bombo Radyo La Union, tiniliw dagiti polis ditoy da Celia Tabon, 48, ken Frederick Rapisura, 32, agpada a residente iti Barangay Puro Pingit, Magsingal, Ilocos Sur kalpasan a naduktalan a  nabongbongan nga ikan dagiti karga ti lugan dagiti suspek.

Mapattapatta nga agdagsen dagiti ikan iti nasurok 2,400 kilos nga agbalor iti P192,000.

Mapapati a mapan ilako dagiti suspek dagiti nabongbongan nga ikan iti Dagupan City ngem sinita ida dagiti polis iti checkpoint.#

 

Comments are closed.