Footer

On-Line English Proficiency Course, maluktan

VIGAN CITY – Maysa a kurso iti on-line ti mairugi iti Ilocos Sur Community College ita nga Agosto, daytoy ti impakaammo ni Vice Gov. Deogracias Victor Savellano itay nabiit.

Maawagan iti On-Line Advanced Education Pilot Project in English Proficiency, pagkammayetan daytoy ti Czech Republic Development Cooperation, Makati City ken gobierno probinsial ti Ilocos Sur.

Segun iti bise gobernador, maysa daytoy a proyekto nga addaan iti gagem a mangitag-ay iti kinalaing dagiti Ilocano nga agsao ken agsurat iti pagsasao nga Ingles a kangrunaan a kasapulan no agtrabahoda  kadagiti international companies iti ganggannaet a pagilian.

Manamnama a sumangpet ditoy probinsia ni Czech Ambassador Josef Rychtar tapno idauluanna ti panangrugi ti klase inton Agosto 3.

Agbayad iti P1,500 a registration fee dagiti agenrol itoy a kurso.#