Footer

Region 1 polis, nagdalusda iti igid ti baybay

SAN FERNANDO CITY – Innem a pulo ket lima a personnel manipud iti Police Regional Office 1 ditoy ti napan nagdalus iti igid ti baybay daytoy a siudad idi bigat ti Hulio 26 kas paset ti selebrasion ti Maika-16 a Police-Community Relations Month.

Indauluan ni Police Supt. Efren E. Javier, deputy chief ti Regional Police Community Relations Division (RPCRD) dagiti polis a nagpidut kadagiti basura ken dadduma pay a rugit iti igid ti baybay a sakup ti Barangay San Vicente ken Pagudpud ditoy siudad.

Nakipartisipar met iti nasao a clean-up dirve dagiti barangay officials ken miembro ti Barangay Peacekeeping Action Teams ti dua a nasao a barangay, ken aganay a 100 nga estudiante ti La Union National High School.

Ti tema ti selebrasion ita a Hulio: Matatag na Ugnayan ng Mamamayan at Kapulisan Tungo sa Mapayapa at Ligtas na Pamayanan.#