Footer

Rinibribu a marunggay, naimula

TAGUDIN, Ilocos Sur – Rinibribu a marunggay ti inmula dagiti agindeg ditoy idi Hulio 25, aldaw a panagkasangay ni Mayor Roque Verzosa.

Segun iti mayor, manamnama a makaimulada iti 200,000 a marunggay ita a tawen a kanayonan ti 300,000 a naimulada idi napan a tawen idinto nga innayonna a puntiriada ti makaimula iti maysa a milion a marunggay agingga iti 2013.

Naisayangkat pay iti daytoy nga aldaw ti blood letting no sadino a puntiria ti rural health unit ditoy ti makakolekta iti 100 a bags ti dara a donasion dagiti agindeg ditoy.

Nainagunaran pay ti Tagudin Disaster Operation Center ken ti pannakaselebrar ti maikadua a tawenen nga operasion ti Tagudin Yellow Market.#